شعر حلمنتيشي منقول لمحبي فتة الفول ( البوش )

بوش السودان الحبيب

الاهبي ببوشك شبعينا ---------وجودي بالطعام لجائعنا
نريد لدفس البطن بوشا------نكون باكله كالمجاهدينا
ولن نرشي سواه و لو بلحم -----فلسنا في اللحوم بطامعينا
اذاما لاح طيف اللحم يوما---------نبحلق فوقه لااكلينا
(ننونو)كالكدايس عند لحم-------وننبح كاكلاب مشاكلينا
فيا لحما يقد الجيب قدا------كفاية مغصتك السويتا فينا
فان بطوننا يا لحم ابت--------علي الافوال بعدك ان تلينا
تمطقت الخشوم لاكل بوش ------تدنكل بالشطوط و الطحينا
وزغردة البطون لاكل فول------تصوت تارة و تحوط حينا
اذا ما البوش جهز فوق صحن------تخر له الاصابع ساجدينا
تركع في نواحية الايادي -----يصوم عن الكلام (البوز) فينا
سلي عنا المطاعم في البراري ---سلي الفوال يخبرك اليقينا
بانا نورد المعدات جوعي -------و نصدرهن تخما قد كفينا
نشرب اذا شربنا الشلي طاعما---ويشرب غيرنا كدرا و طينا
وان سوف تذكرنا السفاسف---------مدنكلة لنا و مسفسفينا
وان غدا وان اليوم اكل-----------وبعد غدا نكون الاكلينا
فما شر السفاسف ام ليلي -----------اذا كانت مدنكلة تجينا
يزين صحنها بصل و توم -------وماء الجبن لاح لناظرينا
مدنكلة كان الزيت فيها---------اذا ما الماء خالطها سخينا
فاني قد خبرت الاكل دهرا----وخضت غمارة طورا و حينا
بفتيان يرون الاكل مجدا -------و شيب في الطعام مجربينا
نسفسف ما ترضي الناس عنا ------ونهجم كالاسود اذا دعينا
فبوش قد اكلت بسوق بري ------وفول قد اكلت بطور سينا
هبشت الجيب بعدها –بكيت---------يرن امام صاحبة رنينا
فما حظ المفلس غير شوم --------يعيش العمر مكتئبا حزينا
اذا ما كان بالامكان يوما----------اعبي الجيب اجعله متينا
لكنت ملات هذا البطن لحما-------وهامبيرقر و تفاحا و تينا
صرت مفتل العضلات ماكن------و منتفخ الجضوم فتي سميتا
و كنت و ليس بالامكان هذا -----وكنت حسبت هذا الفول طينا
اراني قد فطمت بماء فول ---------- ولسنا لبيرقر بمناسبينا
فهل عربية الجازولين تمشي ؟ اذا كبولا يوما موية

رد اكثر من رائع وحلمنتيش ظريف ولمحبى البوش هاكم رسالة من واحد مادى شديد باسم مامهم والمهم
لو الطائزة ابت تطير
والسفر بقى بالحمير
مامهم
المهم ابقى المال عندك كتير
لو من السفر بقيت محروم
وكترت مصايبك والهموم
مامهم

والمهم عطية ما ابقالك توم
ولو عيونك جافاها النوم
وبقيت تحسب فى النجوم
مامهم
والمهم تبقى عندك قروش ردوم
ولو بقيت مجنون عديل
وعلاجك اصبح مستحيل
مامهم
والمهم ابقى جيبك بس تقيل
لو الدنيا بقت مشاغل
والمفعول بقى فيها فاعل
ما مهم
والمهم تحفظ فلوسك وتبقى ماهر
ولو الدنيا جارت عليك
وما عرفت انت البيك
ما مهم
والمهم ابقى تعاملك بس بالشيك
لو تعاندك يوم ظروف
وتنسى اسمك والحروف
ما مهم
والمهم تبقى غنى والناس تشوف
لو قالوا عليك مادى شديد
وسلامك بقى من بعيد
ما مهم
والمهم ما تبقى زى فار المسيد
ولو الدنيا بقت ماسى
وحياتك زى لعبة كراسى
ما مهم
والمهم تبقى زى والى فداسى
ولو خلاص عائز تموت

والناس راجية روحك تفوت
ما مهم
والمهم حساب دفاترك اكون مظبوط