دردشة في اول يوم من رمضان

كيفكم في اول يوم من الشهر الكريم شهر البركة ربنا يتقبل منا ومنكم ، طبعا رمضان في السودان عندو طابع خاص ومن العادات تبادل الصحانة واكرام عابر السبيل ودي حاجات سمحة بنجد في بعض المناطق بيطلعوا بالمويات والفطور عشان لو اي زول اذن عليهو المغرب يفطر في السكة ودي حاجة جميلة بس للاسف في بعض المناطق ما بيعملوها
عارفين بتمنى شنو بتمنى في الشهر الكريم دة بتمنى الناس تتصافى وتتسامح وتطول بالها مش على اساس صايم كل زول يتفشى في التاني يعني من الملاحظ في الشارع السوداني ناس كتيرين متحيلين وعايزين فرقة عشان يجوطوا بتمنى الناس تطول بالها وبالاخص في المواصلات وكمان في البيت مع العيال اذا عملو غلبة ،،،،،، ما عايزة اصدع بيكم في اول يوم في رمضان يلا اخواني واخواتي في رعاية الله

دردشة في اول يوم من رمضان I182559_g4z4com12492497490

تسلمي اختي نسرين: نعم عاداتنا نادر ماتجدها في مجتمع غيرنا :اضم صوتي ليك في مسألة التسامح من المفترض ان يكون في غير رمضان كذلك

لك التحية اخي احمد وصدقت في التسامح يجب ان يكون في رمضان وغير رمضان ومن باب اولى الشهر الكريم لو كانو في اتنين ما متسامحين يتسامحو

نسرين حقيقه موضوعك روعه ودردشتك ولا اروع
وليس ببعيد عنك التألق عزيزتى
فالى الامام وننتظر جديدك

الله يبارك فيك رزان ومرورك دايما بيسعدني

» فضل رمضان
» رمضان والناس
» رمضان كريم
» 25 فتوى للنساء في رمضان
» رمضان كريم لكل افراد المنتدى