ABU SHIMAL


مرحبا بكم في منتديات أبو شمال منتديات كل القبائل السودانية
 
الرئيسيةالبوابةالتسجيلدخول
مرحب بالاعضاء الجدد الذين انضمو الينا .... ابو المعالي .... ناديه ... ابو بكر ...اشرف العمده ... سعد المبارك... ابو بكر عبد الله.... ابو بكر
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المواضيع الأخيرة
» مرحبا بكم في قرية بلولة أبو شمال
الخميس 10 أبريل - 19:48 من طرف ام عيشة

» تحية لزوار
الخميس 15 مارس - 2:31 من طرف الضو سليمان

» ترحيب وسؤال عن صحة جميع الاود ابو شمال
الثلاثاء 27 ديسمبر - 18:09 من طرف ابراهيم حسن الفكي المكي

» مرحب بكم
الخميس 22 ديسمبر - 21:39 من طرف alwaly

» توضيح حركى لمناسك الحج
الجمعة 14 أكتوبر - 20:47 من طرف ابراهيم عباس

» ثمرات لا إله الا الله
السبت 24 سبتمبر - 22:35 من طرف ابراهيم عباس

» الذكر عبادة لاحد لها ولاوقت
السبت 9 أبريل - 17:49 من طرف ابراهيم عباس

» اشياء من التراث
الأحد 20 فبراير - 17:30 من طرف ابراهيم عباس

» مسادير ودضحوية والضرير
الأحد 20 فبراير - 14:07 من طرف ابراهيم عباس

العضو المميز
نسرين
الموضوع المميز
يتم تحديده من قبل المشرفين
المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 20 بتاريخ الثلاثاء 31 ديسمبر - 1:54
نوفمبر 2017
الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
27282930   
اليوميةاليومية
بحـث
 
 

نتائج البحث
 
Rechercher بحث متقدم

شاطر | 
 

 قصـــــــــــــــــــــــــــــــــــــــــــة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو شمال
مدير عــــــــام
مدير عــــــــام
avatar

عدد المساهمات : 152
تاريخ التسجيل : 09/04/2009

مُساهمةموضوع: قصـــــــــــــــــــــــــــــــــــــــــــة   الخميس 7 مايو - 2:46

حسن شلاقه............. الجزاء الاول





ياعمك مرة زمان في الزمان الغابر ، وانا راقد في نص الحوش زي
التمساح العشاري معاي الحجة نتجاذب اطراف الحديث ، والكهرباء ( كاطعة )
كعادتها و السخانة زي الشطة .
التلفون يقوم يرن ،،، ارفع السماعة يجيني ليك صوت زي الكمنجة :
العارض : منو معاي !!
هي : حسن موجود ؟؟
العارض : مافيش .... نقول لي منو ؟؟
هي : قول لي ندي ،،، طيب باي !!
انا ما لايووق مُخاطة بس :
باي نق تربيع !!
دقيقة و الحكاية شنو انا غفير ولا بتاع كبانية !!؟
هي : ليه في شنو؟؟
العارض : طيب ما تتكلمي معاي ، انا ليه البنات بضطهدوني كدة انا ما بنو آدم !؟!
ما كرهتونا البلي زاتو !!!
هي : انا آسفة ما قصدت شئ بس لانو ما بعرفك ، انت منو طيب ؟!؟!
انا : انا العارض اخو حسن ( علماً باني لا اعرف حسن ولا زول بهذا الإسم
الا حسن الترابي وده بذات بينو وبينو مافي اي عمار ) يعني معقول اقول
ليها النمرة غلط ومافي زول إسمو حسن ( انا جنيت ) !!
ونظريتي في الحياة :
ما اجرح مشاعر الصبايا ورفقاً بالقوارير والمثل الخالد بقول ( عدم العروض جفا ) !!
هي : خلاص ياعارض اتونس معاي وليه لا ، ده حتي باين عليك زول ( لتييف ) !!
المهم حنك شديد ، ساعة وانا بتراشق مع البت زي الفراشة ، رشاقة جد ، شئ نكات
وشئ شعر شئ غرويد عيون ، حكم وامثال و البت انكيفت لي شديد !!
هي : طيب باي ، هاك تلفوني وهات تلفونك وسلم علي ( حسن ) .
انا : ( في سري طبعاً ) حسن بتاع جنك ، حسن والصفارة !!
دقييقة ياخي ، ومال كنت ح احنكا كييف !!
لما خلصت المكالمة وجيت راجع للحجة :
سالتني :
ام العارض : انت يا ( عروضي ) ده منو البتنضم معاو ساعة ده !!
.... قلتا ادقس الحجة قلت ليها النمرة غلط .
الحجة : ساعة وتقول لي غلط الضارب ده هندي !!
انا : انت ياحجة في الامن ولا نكير خالك : مالك بتحكيها كدة .
الحجة : يحكك الجرب يامخوزق تلقاها واحدة من الغنم البضربو ليك ديك ...!!
العارض : انت ام رقيقة ولا ام فتفت
،،،،!!
... المهم سادتي دورت التلفونات بيني والحبيبة الوطن ،،
وكل يوم تلفونين تلاتة وانا خلاص الصوت الناعم يزداد
رسوخاً في ذهني .. اتعذبتا عذاب شديد .
البت اقرأ ليها شعر ( يحي فضل الله ) اقول ليها
انا كتبتو ... مرة قريت ليها :
( ياضلنا ) قلتا ليها دي بذاات كاتبا فيك لانك
عندي زي ضُل الضحي المترامي بين مسارب روحي !!
بعد مدة سمعتا ليك في شريط لي ( مصطفي سيد احمد )
شاكلتني وقالت لي انت ماعندك مصداقية كييف تدقسني
وتقول لي كاتبا فيك !!
انا : ( مالئيم وما بتغالط ) .
العارض : انت ما سمعتي بي توارد الخواطر ،،،
اها ده توارد بيني والشاعر الإسمو / يحي فضل الله ده .
وبعدين هو زاتو متأثر بي و شعرو كلو
ضُل و شجر تقول ( مزارع ) .
اهن الدامة كلما اقول ليها نتلاقي تقول لي خلينا
شوية نأخد علي بعض !!
انا ( متفائل ) قلت النص ده ح يكون مبالغة زي
صوتا ده اصبر عليها و طول بالك ياحبة بكرة تُفرج
وتكتحل عيونك برؤية البدر ليلة تمامه .
يا بت الناس ما نتلاقي خلاص ،، تقول لي اصبر
بطل شفقة انت مالك لايوووق كدة !!
انا اللايووق انا الويكة انا السرسيون .
واشيل واطمن في نفسي واقول البت دي بي صوتا
ده بالميت بتكون قريبة ناس المغربي ، وعيونا
بكونوا كبار وغلاد و حلوات زي عيون الحمار .

... اها مرة قُرحتي قايمة علي و عندي حرقان
وزهجان الف قامت ضربت لي تلفون في المكتب .
العارض : هووي انا حركات المراهقين دي ما
بتنفع معاي ،،، نحن لازم نتلاقي يا كل قرد
يطلع شجرتو شنو شغالين خيال علمي !!
هي : ما تخلينا شوية مالك الليلة !!
خلينا نخلق مساحات للشوق !!
العارض : مساحات شنو دي الاراضي يا نتلاقي
يا شتات تاكلي نارك .
كرهتينا التلفونات بقيت عامل زي رأفت
الهجان كدة !!
هي : خلاص بكرة نتلاقي في نادي الاسرة ،،
بس انت خليك ( ريلاكس

.. وقد كان اليوم الموعود .
الحلة كلها عارفة انو العارض جادع زمن وح يلاقي الحبيبة
( ستات الشاي نسوان الكسرة بتاع الدكان
عوض الترزي حتي عايدة شمار ) .
ياعمك خشيت ليك في المحشي من العصر ونجيب الريحاني
( اباطي اتهرد من الريحة ) قربت اعمل الفاتح الصباغ
لي شعري بس خفت من شيلة الحس ، اها وشتات لي نادي الاسرة !!
مشيت قبل ساعة من المواعيد
( الخفة الكتلت اب تفة والرشاقة الكتلت إشراقة ) .
وقلتا اعمل كاسحة ألغام وده ما مهرجان فرح كرنفال عشق !!
اها الدنيا مغربت كدة ، جات ليك بت زي الليل زي السم
انا بي خفتي المعهودة جريت عليها :
العارض : انت ندي !!
هي : لا ابداً وقبلت علي الجهة الثانية
( بس ،، الله يكسر حنكك عامل وشك العريض ده ) .
العارض : هووي يا العولاق اصبري علي بس تجي
القطعة النضيفة دي وجاهتك دي الا اطيرا ليك من راسك .
.. بس بعد شوية تجي ليك بت زي ( السحلية )
لا زي الدبيب لا دبيب شنو زي الصارقيلة الصايمة !!
وانا خلاص من الضحك داير اقع علي وشي ،،،
وهي طواااالي جات ليك علي !!
الصارقيلة الصايمة : انت العارض ؟!
انا : آي انا العارض عارض السجم والرماد .
وفي سري قلتا دي بتكون مرسال الشوق الحبيبة
رسلتا ( للإعتذار وكدة ) انت منو يختي !!
الصارقية الصايمة : انا ما ندي ندوية قلبك
يا قلب ، يخسي عليك ياعروضي ما عرفتني !!
... انا خلاص بقيت مخدر وكداري ما شايلاتني
وقلت ياعمك دي الكاميرا الخفية ولا شنو ؟!
اواصل الفيلم للنهاية و الشباب في الحلة
راجينك ح تقول ليهم شنو؟!
ده ماآكشن الآكشن ، المهم لملمت اطرافي وقلتا
( خربانة ام بناية قش ) !!
وهاك ياضحك وغرويد عيون وشعر ،، اي نعم كنت
داير اطرش وانا بقرا الشعر لكن اهو نمشي الحال .
... وقلتا لازم امتص الصدمة و اعمل فيها روحي رياضية .
وهي دايرة تطير من الفرح ،، وتعطش ليك في ( الجيم )
انا قايل الجيم صايمة اليوم داك !!
وهاك ياغرويد عيون و تتلولح وتتمايص زي الياي !!
وماسكاني من يديني انا قايل نفسي ( هاني شاكر )
و لو جاء زول فيكم بهناك ما حا يعرف الجكساية منو فينا ..
... لكن النصيحة البت ما مبالغة حنضل بس !!
ياخ دي وشها زي اللين ( مثلث ) وخاتة ليها
قطعة كرتونة في صدرها زي المريلة ،، ح تقولوا لي ليه :
ما عشان صدرا ما يتقدّ لو نزلت حنكا ودنقرت
لي تحت ،،، مش قلنا حنكا سنين ولا شنو !!
وبعدبن مجلطا ليك شعرا تقول بي ( مخاطة ) ،،،
وكمان لابسة ليها 15 قطعة قماش ده مسلسل
الجوارح ولا شنو !!
طبعاً دايرة تسمن وكدة : في سري
( لن يصلح العطار ما افسده الدهر يا حبة ) !!
المهم سادتي اليوم داك مرّ بي خيره وبي شره !!
بعدما طمنتها انو البينا سوف يستمر ونحن كيان واحد ..
ولازم نواصل المشوار ولا نامت اعين الجبناء ، وانت
إمرأة حلوة ومستنيرة وروحك حلوة !!

... ولما رجعتا الحلة فكيتا ليك في الشباب
قلتا ليهم : البت طلعت زي الليل زي اللبلب ،
هم صدقوني لكن بإرتياب عارفين حظي !!
اهن هي بقت تضرب في المكتب وانا عامل
( حظر عاطفي ) إستنفار شديد اي بت تضرب لي
ان شاء الله بت لعاب : انا مافيش انا في الجنوب
مشيت العمليات جاني قبول من سرايفوو
اي حاجة بس جلوني منها !!
انا ما شليق يوم جيت المكتب بدري التلفون يرن ،
رفعتا السماعة القاها ليك دي ( حبيبة قساي )
ومين قسا قلبي !!
هي : وييين اتا وشنو الحكاية من ديك وعيك !!
انا قايل ده يوم القيامة ،، لساني الطويل داك
بقي زي حق الطيرة وخشمي بقي ناااشف و حلقي مُر ،،
جاني طُمام بتاع الملاريا داك و كلما ابلع ريقي
احس كأنو في حلقي في علبة ( صلصة مصدية )
ولا لستق عربية محروق ماعارف بالضبط شنو !؟!؟
وهي مواصلة في الاسئلة زي نكير :
الصارقيلة الصايمة : مالك ما باين ويا حليلك
وياحليل ايامك وشنو ما بضرب ليك طوالي ما بكلموك
سكرتيرتكم العاملة زي الورل دي ما بتكلمك !!
ورل انت كمان بتتكلمي في الشكل ( في سري طبعاً ) .
لما خلاص زهجت مني وانا زي الابكم !!
الصارقيلة الصايمة : ماعشان كدة قلنا
ما نتلاقي ،،، رجال ماعندهم نظر ، و المراة
عندكم بس جسد .... وكركرب قفلت السماعة !!!












نصيحة :
... تاني مافي واحد فيكم يرد علي التلفون
لو في ناس تانين في البيت !!


همسة :
انا لو بقدر علي الحمام الميت ده ووجع
القلب ده كان مشيت الشرطة الشعبية !!


حاشية :
لا تثق في الصوت عبر الهاتف ان بعض الجكس يؤذي !!


حاشية الحاشية :

... لو في زول فيكم وهو حايم في الخرطوم
و شاف لي بت زي الحربوية خاتة كرتونة
في صدرا (قطع شك ) دي الحبيبة الوطن ...
ولازم يقطع فيها كف علي مسؤليتي انا ،،،،،،!!!!
... وبرضو تقولوا لي سموك : ( العارض ) ليه !!
--

الرجوع الى أعلى الصفحة اذهب الى الأسفل
حمد النيل
عضو


عدد المساهمات : 4
تاريخ التسجيل : 09/05/2009

مُساهمةموضوع: رد: قصـــــــــــــــــــــــــــــــــــــــــــة   الأربعاء 20 مايو - 14:32

السلام عليكم ورحمة الله وبركاته
مشكور أبو شمال , علي هذه القصة المثيرة و الجميلة و الواقعية
و توجد قصص كثيرة مماثلة لهذه القصة 0 و الخرطوم فيها العجب العجيب
من حكاوي البنات 0
وفقكم الله
الرجوع الى أعلى الصفحة اذهب الى الأسفل
ابو شمال
مدير عــــــــام
مدير عــــــــام
avatar

عدد المساهمات : 152
تاريخ التسجيل : 09/04/2009

مُساهمةموضوع: رد: قصـــــــــــــــــــــــــــــــــــــــــــة   الأربعاء 20 مايو - 15:19

حمد النيل كتب:
السلام عليكم ورحمة الله وبركاته
مشكور أبو شمال , علي هذه القصة المثيرة و الجميلة و الواقعية
و توجد قصص كثيرة مماثلة لهذه القصة 0 و الخرطوم فيها العجب العجيب
من حكاوي البنات 0
وفقكم الله

تسلم حمد النيل ونورت بيتك وقرية أبو شمال
الرجوع الى أعلى الصفحة اذهب الى الأسفل
نسرين
مشرف عــــام
مشرف عــــام
avatar

عدد المساهمات : 185
تاريخ التسجيل : 28/07/2009

مُساهمةموضوع: رد قصة   الجمعة 31 يوليو - 0:19

[size=12]لك التحية اخي ابو شمال وتشكر على القصة هي فكاهية وضحكتي كتير بس فيها درس ولو الزول عايز يرتبط بجد اكيد التلفون ما الوسيلة المناسبة [/size]
الرجوع الى أعلى الصفحة اذهب الى الأسفل
شيرين
عضو


عدد المساهمات : 4
تاريخ التسجيل : 29/07/2009

مُساهمةموضوع: رد: قصـــــــــــــــــــــــــــــــــــــــــــة   الخميس 6 أغسطس - 17:08

لك[color=red] التحيه يابو شمال
فعلا ده كلام حاصل بس مادائما
هههههههههه
قاصد شنو انت ؟؟؟؟؟؟؟؟؟؟؟؟؟؟؟؟؟؟؟؟؟؟[/color
] Laughing
الرجوع الى أعلى الصفحة اذهب الى الأسفل
رزان
عضو نشط


عدد المساهمات : 80
تاريخ التسجيل : 05/08/2009

مُساهمةموضوع: رد: قصـــــــــــــــــــــــــــــــــــــــــــة   الخميس 6 أغسطس - 22:11

ابو شمال
ههههههههه مبالغه لكن ؟
وانت اول العارفين انو الصوت لايعبر عن الشكل Laughing
الرجوع الى أعلى الصفحة اذهب الى الأسفل
ibraheem
عضو


عدد المساهمات : 20
تاريخ التسجيل : 26/07/2009
العمر : 38

مُساهمةموضوع: رد: قصـــــــــــــــــــــــــــــــــــــــــــة   الخميس 6 أغسطس - 23:48

العزيز ابوشمال
لك التحية
اسلوب ساخر وجذاب للحد البعيد ...
كما ان القصة تعبر عن واقع معاش هذه الايام فكثير من الشباب يستغل الهاتف استغلال سئ ...

ارجو المداومة على كتابة مثل هذه القصص التى تلامس الواقع وتعالج قضايا المجتمع بصورة ساخرة
ولك محبتى Laughing lol!
الرجوع الى أعلى الصفحة اذهب الى الأسفل
 
قصـــــــــــــــــــــــــــــــــــــــــــة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ABU SHIMAL :: الفئة الأولى :: المنتـــديــات العـــــامة-
انتقل الى: